جزء من قصيده عن الثورة بمصر

السلام عليكم
جزء من قصيده عن الثورة بمصر
القاها الشاعر تميم في الامسيه الشعريه الرائعه

لما تشوف الشهيد
تبقي السلامه خجل
وتبقي عايز تقوله يا اخي اجل
طب قولي بس اعمل ايه
لو يعني فيها عمل
اللقمه دي لك فيها نصيب هشيلهولك
واشيل نصيبك من القعده وكاسات الشاي
لكن نصيبك في انفاسي
اشيله اذاي؟؟
واذاي اشيلك نصيبك من فرحنا الجاي؟؟
ساعات الاقيني بطلب خط محمولك
بعمل في نفسي كده ليه؟
لسه مش عارف !!
واروح ع القهوه أسأل
هو جه وسأل؟!!
من قالك الموت طبيعي يبقي مش شايف
الموت ده شئ مش طبيعي
الموت ده اصله خلل
الاصل فينا الخلود
وهيجي يوم نلقاه
ما تحسبوش الشهيد
اداكوا بس حياه
ماموتش هو وحده
اللي برصاصه رماه
ده موت ابنه اللي لسه ما اتولدش معاه
وموت ولاد ولاده ..........لاخر الايام
موت معاه بشريه كامله
محتمله
عد كان فيها كام شاعر وكام رسام
وكام طبيب عبقري بين الاطبه امام
وفيلسوف له علي حكم الليالي كلام
وبنت نظرتها تشفي القلب
من داؤه....
ف شعب كامل رحل
معرفش اسماؤه
في جسم كل شهيد
في مصر مكتمله
فخلوا مصر اللي فاضله تعيش
كما شاءواااااااا......