طابور ع الجنة

رنا تقف في طابور بانتظار رغيف خبز في شارع الوحدة بغزة ..صديقتها هيا في طابور في السماء على باب الجنة ما زال امامها صديقاتها اسماء ولمى وابن جيرانها احمد الصغير ..وفي ثلاجه الموتى جهاد وقيس وكريستينا ..لم يحن موعد الصعود الى السماء بانتظار الغد ..

يوسف الصغير نجا من الموت ...تغطى بدم اشقاءه وجسد امه ..كان اخوه على قيد الحياة ..طلب منه (حبة بندورة) كانت اخر ما هو موجود في المطبخ الصغير ..اكلها ثم مات ...يوسف الان لا يسمع من الصدمة حاله حال مجلس الامن ...

لماذا تركت الحمار وحيدا هي رواية جديدة كتبتها شقيقتان في ثلاجة الموتى عندما سالت الاولى اختها اين نحن ؟ ادركت الثانية معنى الموت كلما فتح باب ثلاجة الموتى لاضافة طفل جديد ..فصرخت احداهن لا يوجد مكان ....مر يومان ولم يات المشيعون فظنت الاولى بانها في الجنة فايقظتها اختها ليس بعد فهناك اطفال في الطريق الى السماء تاخروا قليلا عن الجنة بسبب تحليق الطيران ...اذا تعالي نلعب قليلا حتى الصباح ....

في الصباح ..صوت مذياع قادم الى الثلاجة يقول ان مجزرة في جباليا وهناك اطفال ...صاحت الصغرى ..هيا هيا نصعد الى السماء ...انتظري قليلا حتى ياتي احمد وسامر وعدنان ودنيا وحياه وجنان فنصعد سويا ..
تذكرت الصغرى ان تسال شقيقتها اذا كان الحمار قد مات ...لا ادري شاهدت العربة تمزقت واظنه مات ...

اصبح العدد مئة ..فسالهم عدنان هل يوجد بالجنة مخيمات ؟؟؟؟ ومدارس اونروا ..... صمت يغلق المكان فهؤلاء لم يدرسوا بعد الا قصة ليلى والذئب ..اطلت براسها من ثلاجة المتى فاذا بصديقتها حنان لقد عرفتها من جدولة شعرها ....

يا مدارس يا مدارس ياما اكلنا ملبس خالص ..تغنى جنان وتحاول رفيقتها مجد ان تخفض من صوتها لان الصغار نيام ..فيسال احمد جهاد ..رح يعملولنا صور كبيرة زي الي بنشوفهم عالحيطان ؟؟بجوز ما يعملو مهو ما ضل حيطان عشان يعلقوهم ...طيب رح يمشي بجنازتنا نااس كتير ...اه انا مبارح قبل ما يقصفونا شفت ناس كتييير حاملين شهدا بحي الزيتون اكيد رح ييجو عجنازتنا ... طيب ليش ما اجو الصحفيين صورونا ..مهو اليوم مات صحفي جنب دارنا ...طيب دارنا هدوها وين رح تنام امي واخواني ...ما تخاف عند الجيران ..مهو هدو كمان دار الجيران ..بالمدرسة ...مهي المدرسة انا كنت فيها وقصفونا .طيب ييجو عنا احسن انا سمعت انو في بالجنة حرامات ..اه والاستاد كمان حكالنا انو في العاب وبنقدر نطير زي العصافير
طيب انا بكرا بدي اطير واخد من الجنة خبز ابعتو لامي ...وكيف بدك تنزل من السما مهو في طيارات ....

اسمع لما نوصل عالجنة انا بدي اروح عالمدرسة واكبر ..طيب شو بدك تصير لما تصير كبير
بدي اصير دكتور

وين بدك تتعلم ...بهاي الي جابوها عالتلفزيون فنزويلا

هي هي هي شو ناسي انو المعبر مسكر

ما تخاف بطلع من نفق ....مهو قصفو كل الانفاق

طيب نام نام بلاش يجيبو كمان اطفال وما يضل النا مكان بكرا لازم نطلع اول ناس انا خايف ما يضل محل بالجنة ...صار مستشهد 700 ..ما تخاف احنا الصغار رح يطلعونا اول ناس
انا بس اشوف الي قتلني بالجنة رح اسالوا ليش قتلني ...هي هي مهو لسه ما مات بعدين رح يروح عالنار ..

عارف شو احسن اشي بالجنة ؟؟ اه شو ؟؟ انو رح نشوف البحر من فوق ..طيب انا رح اطير عشان اوصل السفن عغزة عشان نجيب دوا للناس ...هيك ما حد بشوفني
و رح اطير وافتح المعبر ....هي هي مش حكيتلك نام نام

علاء بدارنة
9-1-2009