الامتحانات

استطعت شراء ديوان قالولى بتحب مصر قلت مش عارف
قررت ان اضع لكم القصائد الموجودة فى هذا الديوان

من ارشيف اغانى المدرسة كتبت ايام الدراسة الثانوية من 1992 - 1995

الحمد لله خلصنا ...... من الامتحانات
و بإذن ربك فلفصنا..... من غير اصابات
يللى النكد عنك غيبة..... دون هوايات
ملعون ابوكى يا مدارس..... حبس و حارس
مدير عبيط و مديرة عانس..... و اساتذة عاهات
ما عادش فية لوح سبورة..... و ميس زرزورة
بتهاتى و الناس محشورة ..... بين الدسكات
و لا مشرفة نص نتاية..... ماسكة عصاية
هية و قرود الجبلاية..... قرايب و اخوات
ولا فيش ابة البدلة سفارى..... بلون جنزارى
ناظر و اعمى يا مرارى ..... و ست بشنبات
ولا فيش مديرة كركوبة..... اسمها زنوبة
باروكتها حلة مقلوبة..... و ودانها صاجات
و لا عادش فية استاذخايب..... شايب عايب
بحط ع الكلمة ضرايب..... زى الحكومات
ماعادش فية بناتيتسكة..... رابطة و فكة
داهنين و شوشهم جملكة..... اربع طبقات
لافعة صاحبها على دراعها ..... و يمتعها
يتقال بتاعته و بتاعها..... و تقوم خناقات
عيال بتمشى على اربع ..... زى المدفع
لكن يناموا على مشمع..... زى البيبيهات
خلى الجماعة الشضلية..... المستقوية
ياكلو بطاطس مقلية..... و يعاكسو بنات
احنا اللى فى وقت المحنة..... نجحنا و احنا
لفت و دارت لصالحنا ..... و جبنا الشهادات
بطلنا لو نسمع صفافير..... نوقف طوابير
بشر و حاكمة عليها حمير..... عاملين بشوات
بطلنا كتاكيتكو القمامير..... من غير مناقير
دا حنا بقينا ملوك الطير ..... فوق السموات
مدرستى يا ملعون ابوها..... و اللى جابوها
لولا التلامذة قلبوها..... كشك مجلات
نشوفكم المرة الجاية..... فى الكلية
و نقول لحوش الحرية..... و سورها سلامات
بس الخازوق لو يتكرر ..... هذا المنظر
فى الجامعة لكن على اكبر..... من دى قياسات
و الدنيا برة برضة خازوق..... طالع من فوق
و الخنق مكتوب ع المخنوق ..... و مافيش اجازات

شكرا لكـــ رغد

قصيدة جميلة جدا وراح تكون أروع لو سمعنا القاء أميـــــــــــــ تميم ـــــــر شعرائنا الها

ليلكة الجليل
كلامك صحيح
بالفعل المدرسة بعد مغادرتنا لها تصبح جنة
خصوصا بعد انغماسنا في الحياة الجامعية اللي يمكن كل شي فيها جديد

انا حاليا بالاجازه
بس ما في احلى من المدرسه
بتمنى لو ارجعلها بس يوم واحد
بس واحنا بالدوام عنجد بنكون بسجن